Deyv kendu seg ikki vælkomin á ólavsøku

Deyvafelag Føroya harmast um, at eingin teknmálstulking var á ólavsøku fyri fyrstu ferð í 25 ár.

Tað eru alt ov fáir teknmálstulkar til tey umleið 30 fólkini í Føroyum, sum eru deyv.

Tað er ein trupulleiki, sum var sjónligur á ólavsøku í ár.

Tulkatænastan var í fjør løgd undir Almannaverkið. Tað eru tey, sum veita tulk til samskifti til deyv og hoyritarnaði.