Við blandaðum kenslum

Sóleyð Klettskarð í Kongsstovu, fráfarandi borgarstjóri í Kunoyar kommunu stillar ikki uppaftur í ár.

Fyrr í dag greiddi hon sína atkvøðu, og tað var við blandaðum kenslum. Arnfríð Joensen Dahl fekk orðið á Sóleyð Klettskarð í Kongsstovu.107 fólk høvdu valrætt í Kunoy, og 98 atkvøður komu inn til valið í ár.

Tveir listar

Tveir listar vóru til valið í Kunoy, og sigast má, at sessirnir eru væl býttir millum listarnar. Listi A fekk 50 atkvøður og tríggjar limir, meðan listi B fekk 48 atkvøður og tveir limir.

Toppskorari var Poul Jacob Poulsen av lista A við 19 atkvøðum, meðan Gunnhild Dahl Niclasen kom inn á øðrum plássi við 18 atkvøðum.

Nývalda kommunustýrið sær soleiðis út:

1) Poul Jacob Poulsen, 19 atkvøður. (Listi A)

2) Gunnhild Dahl Niclassen, 18 atkvøður. (Listi B)

3) Jóhannes Christian Sofus Hansen Johannesen, 17 atkvøður. (Listi A)

4) Rasmus Magnusson, 16 atkvøður. (Listi B)

5) Hans Pauli Purkhús 12 atkvøður. (Listi A)