Toskastovnurin illa fyri

01.12.2020 - 19:27

Aktuelt

Hóast ICES mælir til at skerja fiskiskapin eftir toski 47 prosentum, kann hann bara skerjast fimm prosent sambært umsitingarætlanini.

Krista Johnsdóttir Kreutzmann

Elin Mirjamsdóttir

Toskastovnurin er somikið illa fyri, at veiðan eigur at skerjast 47 prosent næsta ár. Tað er tilmælið frá altjóða havrannsóknarstovnurin ICES. Eftir ætlan fær landsstýrismaðurin í fiskivinnumálum heimild til einsamællur at áseta fiskidagarnar fyri næsta fiskiár, sum byrjar á nýggjárinum. Tað skal hann gera við støði í eini umsitingarætlan. Og sambært henni kann fiskidagatalið bert stillast fimm prosent frá einum ári til annað.