Vár og Kristian fingu HM-heiðursmerki

Eftir ein miseydnaðan róður á 2000 metra teininum fyri U23-kvinnur, hevði Vár Guriardóttir Hansen okkurt at prógva, tá 500 meturin var á skránni leygardagin. Og tað gjørdi hon eisini.

Róðurin var javnur, og Vár lá á 3. ella 4. plássi fyri tað mesta, Men í allar seinastu tøkunum, hálaði hon seg upp á 2. plássið.

 - Eg lá nummar fýra, og so kom eg upp á triðja plássið teir síðstu metrarnar, men tá eg steðgaði fór eg upp á 2. plássið, sigur Vár Guriardóttir Hansen.

Tíðin upp á 1.32,9 er persónligt met.

Kristian Linklett Mortansson, sum róði 500 metrar í U23-bólkinum, hevði staðið seg væl í undankappingunum, og tí hevði hann vónir um eitt 5. pláss.

Men eingin orsøk var hjá honum at vera lítillátaður, vísti tað seg. Hann endaði á triðja plássi.