Eli Hentze: samanumtikið ónøgdur

 - Ómetaliga keddur.

Tað segði Eli Hentze seg vera eftir heldur laka føroyska avrikið í 4-0 tapinum á Hampden Park fyrr í kvøld.

Hjálparvenjarin hjá føroyska landsliðnum var ikki nøgdur við mátan, sum skotar fingu síni mál í kvøld. Trý komu eftir innlegg úr vinstru, meðan eitt kom við fløtum skoti úr 20 metrum.

 - Tað letur til, at málini ímóti okkum koma eitt sindur nemt í dag, sigur hjálparvenjarin.

Eli Hentze er heldur ikki heilt nøgdur við, at bert eitt stig er við heim í kuffertinum, eftir teir tríggjar dystirnar á útivølli móti Moldova, Eysturríki og Skotlandi. 

 - Eg eri ikki væl nøgdur, tá samanum kemur, staðfestir hann.