Nýtt flaggskip á Argjum

 - Argjabáturin hevur altíð verið nakað serligt hjá argjafólki.

Tað sigur formaðurin í Argja Róðrarfelag, Heðin Olsen, nú nýtt flaggskip varð flotað sunnudagin.

Fyrsti Argjabáturin varð smíðaður av Niclasi í Koltri í 1983, annar í 2002 og tann triði til komandi róðrarár. Sámal Hansen hevur bygt teir báðar síðstu.

 - Í søguni hjá Argja Róðrarfelag frá 1982 hevur Argjabáturin verið ein nógv vinnandi bátur og hin mest vinnandi í Føroyum, so tað hevur nógv at siga fyri okkum, sigur Heðin Olsen.

Manningin var ein stuttan túr framvið argjalandinum í nýggja áttamannafarinum. Teir vóru væl nøgdir og hava góðar vónir til kappróðrarárið, sum byrjar á Norðoyastevnu, 5. juni.