VIDEO: Drotningin heldur røðu á føroyskum

Fyrsti dagur av drotningavitjanini er av. Margretha drotning byrjaði sína vitjan í Havn, og í kvøld var Bárður á Steig Nielsen, løgmaður,  vertur fyri einum veitsludøgurða í Norðurlandahúsinum.

Eins og vanligt er, helt drotningin eina røðu. Og sum vant, so var eisini ein partur av røðuni á føroyskum. 

Hon segði millum annað, at hon hevði glett seg til vitjanini, og at føroyingar eru eitt stolt fólkaslag.