96 ára gamla Maria á Heygum svam fyri drotningini

Maria á Heygum hevur svomið dagliga á sjónum, men seinastu tíðina hevur verið longri millum túrarnar á sjónum. Maria á Heygum hevur tó vant fleiri ferðir seinastu vikuna undan vitjani hjá Margrethu drotning í Vestmanna. 

Margretha drotning og Maria á Heygum, ið hevur verið sjósvimjari síðani 1961, høvdu eina løtu saman á Heiminum á Grønanesi, áðrenn Maria lat seg í svimjuklæðini og leyp á sjógv. 

Maria á Heygum er kend sum sjósvimjari, og tí var einki meira nátúrligt, enn at Maria á Heygum svam á sjónum, nú drotningin kom á vitjan, halda tey á Heiminum á Grønanesi.