Deildarleiðari bleiv konsulentur

Deildarleiðari bleiv konsulentur
Leiðarin á Byggideildini hjá Landsverki segði upp, stovnaði fyritøku og varð síðani keyptur inn sum ráðgevi til H-bygningin, sum er størsta byggiverkætlan hjá Landsverki.
05.10.2021 - 18:26

Landsgrannskoðanin staðfestir í sínum eftirlitisarbeiði, at felag hjá fyrrverandi starvsfólki hevur fingið eina stóra uppgávu, sum ikki er bjóðað út. Talan er um smápartafelagið Fjalar.

Í februar var Jón Sólsker leiðari á Byggideildini hjá Landsverki. Byggideildin hevur ein lyklaleiklut í uppgávuni hjá Landsverki sum byggiharri. Ein høvuðsuppgáva er at syrgja fyri, at nýggi H-bygningurin verður liðugur. 1. mars gerst Jón Sólsker partur av smápartafelagnum Fjalar, sum er eitt ráðgevingarfelag. Hann gevst samstundis í starvinum á Landsverki.

Við uppsøgnini hjá leiðaranum á byggideildini hvørvur eisini serkunnleikin hjá Landsverki - sum byggiharri til H-bygningin.

Tí velir stjórin á Landsverki at gera avtalu við sp/f Fjalar. Sáttmálin er galdandi í eitt ár, frá 1. mars 2021. Sáttmálin er verdur 1.140.000 krónur. Uppgávan verður ikki bjóðað út.

Og her kemur Jón Sólsker innaftur í myndina. Hann verður nú konsulentur til at kalla somu uppgávu sum frammanundan.

-Hetta var besta loysnin, júst í hesum føri, sigur Sigurd L. Lamhauge, stjóri á Landsverki.

 

 
Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF