Rok í stýrinum fyri Bústaðir

Tað vóru rokmiklir dagar á skrivstovuni hjá Bústøðum Yviri við Strond í Havn í seinnu helvt av september. Gjøgnum tvær vikur var Stýrið saman heilar tríggjar ferðir. Við á fundunum vóru eisini stjóri og leiðsla á Bústøðum. 

Kringvarpið veit, at á fundinum varð tosað við stórum bókstavum um "álit" og "illoyalitet" millum stýrisformann og stjóra. Eisini fóru fram beinleiðis hóttanir – frá stýrisformanni móti stjóranum – um starvsrættarligar fylgjur, gjørdi stjórin ikki eftir boðum frá stýrisformanninum. 

Í tíðindaskrivi, sum stýrisformaðurin Regin Hammer sendi út seinnapartin, vísir hann á, at í løtuni sær støðan út til at vera, at Bústaðir stevna beint ímóti nýggjum gjaldføristrupulleikum.

- Í roknskapinum er ilt at fáa eyka á pengar til viðlíkahald, umbyggingar og nýbyggingar í framtíðini. Henda gongdin má steðga, skrivar hann.

SÍ SAMRØÐUNA VIÐ REGIN HAMMER Í SJÓNVARPSTÍÐINDUNUM.