Undirgrundin argar

Arbeiðið í Sandoyartunlinum hevur gingið seint seinastu dagarnar, tí borimaskinan rakti eina stóra gjógv, eina sokallaða gong. 

-  Vit vóru í holt við at spreingja, tá ið vit komu fram á eina gong, sum gekk 45 stig tvørtur um tunnilin, og grótið byrjaði at rapa. Soleiðis greiðir Teitur Samuelsen, stjóri í Eystur- og Sandoyartunlum, frá. 

Tað var 4700 metrar Streymoyarmegin, at boritoymið kom í trupulleikar. Fyri at tetta, vórðu 260 tons av betongi pumpað í gongina. 

Arbeiðið at gera Sandoyartunnlin er so mikið væl áleiðis, at íkomna støðan ikki ávirkar tíðarfreistina. 

- Spurningurin er bara, um vit náa at bora allan vegin ígjøgnum fyri- ella eftir jól, staðfestir tunnilsstjórin.