Kvívík skal vera grøn

Í Kvívík verður áarførið og vatnið í ánni umsett til grøna orku, og vatnmyllu-verkið í bygdini hitar bæði barnagarðin og skúlan. 

Vatnmyllan bleiv tikin í nýtslu fyri einum ári síðani.

So væl hevur lukkast, at kommunuskrivstovan og aðrir bygningar hjá Kvívíkar kommunu eisini skulu hitast av grønari orku frá vatnmylluni. 

Um vatnmyllan í Kvívík slapp at framleiða orku inn á netið hjá SEV, so kundi øll Kvívíkin verið grøn, sigur Joen Jacob Andreasen, tekniskur leiðari í Kvívíkar kommunu.