Triðja hvør kvinna kring heimin fyri harðskapi

Í dag er Altjóða dagur ímóti harðskapi ímóti kvinnum. Kanningar vísa, at triðjahvør kvinna kring heimin, hevur verið fyri harðskapi, antin likamligum, kynsligum ella sálarligum.

Í sambandi við Altjóða dagin ímóti harðskapi ímóti kvinnum, skipaði Kvinnuhúsið, Kvinnufelagið, Amnesty og Almannamálaráðið fyri tiltakið, sum varpar ljós á evni. Tiltakið í Smæruni í Havn var karmur um framløgur og pallborðskjak.

Eitt aktuelt evni, tá tosað verður um harðskap ímóti kvinnum, er neyðtøkulógin. Seinastu árini eru fleiri lond farin frá tvingsilsgrundaðari neyðtøkulóg til samtykkigrundaða neyðtøkulóg.

Bárður á Steig Nielsen, løgmaður, arbeiðir í løtuni við at fyrireika broytingar í revsilógini, so at eitt nú neyðtøkuásetingin skal vera samtykkisgrundað. Altjóða trýst er lagt á Føroyar seinastu árini, frá millum annað CEDAW, sum er nevnd undir ST. Mælt verður til at Føroyar seta í gildi samtykkilóg og at myndugleikarnir tryggja hagtøl og vitan um harðskap móti kvinnum og gentum.