Magni Husgaard kann fáa eina plantu at gera tónleik

"What is he building in there?"

Soleiðis byrjar og eitur ein tann kendasti sangurin hjá amerikanska tónasmiðinum og sangaranum Tom Waits.

Kanska klaksvíkingar hugsa tað sama, tá teir ganga fram við gomlu skrivstovuna hjá Kjølbro , har Magni Husgaard baksast við leidningum, meðan elektroniskur tónleikur rómar innanfyri.

Verkætlanin hjá Magna Husgaard er forvitnislig.

Hann mennir eina skipan, ið kann skapa adaptivan og algoritmiskan tónleik.

Tað ljóðar háfloygt; men tað merkir í stuttum, at tónleikur ávirkaður av umstøðum uttanífrá. Tað veri seg algoritmum frá telduni ella rørslum, ljósi og ljóði.

Bert hugflogið setir markið.

Magni Husgaard vil enntá vera við, at hann kann seta tøknina til eina plantu, sum harvið verður nakað, ið minnir um ein tónasmið.

Sí alla sendingina Lyst 46