Plátupanelið verður fyrstu ferð í LEITISSTEIN Live í kvøld

Sendingin LEITISSTEIN verður sent beinleiðis í útvarpinum í kvøld klokkan 20. 

Talan er um eina serliga sending, tí tað er fyrstu ferð, at nýstovnaða Plátupanelið er við í sendingini. 

Plátupanelið er Knút Háberg Eysturstein, Eiler Sørensen og Fróði Løkságarð. 

1997

Evnið í kvøld er sterka tónleikaárið 1997.

Í ár eru 25 ár síðani, at plátur sum "OK Computer" hjá Radiohead, "Homogenic" hjá Björk, "Blur" hjá Blur,  "Homework" hjá Daft Punk, "The Fat Of The Land" hjá The Prodigy og "Urban Hymns" hjá Verve komu út. 

Ætlanin er at Plátupanelið skal vera eitt rættiliga regluligt innslag í LEITISSTEIN.