Norðingur bjóðar Klaksvíkingi av

09.05.2022 - 18:16
ÍtrótturKappróður
Norðingur bjóðar Klaksvíkingi av
10-mannafarið, Norðingur, er mannað fyri fyrstu ferð í áratíggju, og rógvararnir Handan Múla bjóða nú av ímóti Klaksvíkingi, sum vann allar róðrarnar í fjør

Verður tað sum rógvararnir á Norðingi vilja, fær Klaksvíkingur harða kapping um føroyameistaraheitið í ár. 

10-mannafarið í Klaksvík var einaráðandi í fjør, tá teir við sigri í øllum róðrunum, tóku FM-heitið frá Orminum Langa.

Men nú bjóðar Norðingur av.

 - Ja, tað gera vit. Vit hava brúkt so nógva tíð upp á hetta, at vit vilja fram at kappast um tey fremstu plássini, sigur bátsformaðurin, Hjalmar Zachariassen.

Ein gamal dreymur

Tað er ein gamal dreymur hjá Norðdepils-Hvannasunds Róðrarfelag at mannað 10-mannafarið, sum ikki hevur verið at sæð í róðri í áratíggju. 

Norðingur hevði sína stórtíð í sekstiárunum, tá báturin vann tvey FM-heitið og var nær við at vinna eitt triðja. Í sjeyti- og áttatiárunum var báturin bert at síggja til einstakar stevnur, og seinni datt kappróðurin Eystan Múla niður fyri.

Fyri júst 20 árum síðani var felagið endurstovnað, og síðan hava tað serliga verið 6-mannafarið, Sundabáturin, og 5-mannafarið, Ritan, sum hava myndað felagið.

Í ár er skal Norðingur lyfta uppgávuna einsamallur.

 - Vit hava vant har, og duga ikki at síggja, at tað ikki skal gangast okkum rímuliga væl, sigur Hjalmar Zachariassen, og bátsfelagin, Olgar Færø, tekur undir við honum.

 - Tú hugsar ikki um nógv annað enn kappróður. Tað er tað, sum melur í høvdinum nú og helst kemur at gera tað í alt summar, sigur hann. 

Taka við avbjóðingini

Á Klaksvíkingi er teir glaðir fyri avbjóðingina, sum teir hava fingið frá Norðingi, og fáa frá Eysturoyingi og Havnabátinum, sum eisini eru mannaðir. Magnus Norðberg, rógvari og venjari, ásannar, at uppgávan er øðrvísi í ár.

 - Í fjør vóru vit øgiliga svangir og hugsaðu, at 'er tað so, at tað ikki gongur, er tað skilligt, tí vit kappast ímóti einum trífaldum meistara'. Nú standa vit sum meistararnir, og aðrar svangar manningar koma eftir okkum, so vit mugu duga at halda stand og duga tann leiklutin eisini, sigur Magnus Norðberg.

Hann væntar sær harða mótstøðu frá Norðingi, sum sambært honum hava eina góða manning.


Hjalmar Zachariassen og hinir á Norðingi bjóða av um FM-heitið hjá 10-mannaførum

Klaksvíkingur til venjing á Árnafirði
 
Er kopiera

Tak niður

Nýggjastu sendingar í ÚV
Mikudag 25. mai
Kvørnin: Trý føroysk stakløg
140145
Mikudag 25. mai
LEITISSTEIN 24.04.2022
140144
Mikudag 25. mai
Nón 25. mai 2022
140137
Mikudag 25. mai
Breddin - Fangi hjá Islamskum Stati
140117
Mikudag 25. mai
Góðan morgun Føroyar 25.05.22
140108
Nýggjastu sendingar í SV
Mánadag 23. mai
3-2
140037
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731