Vilja løna Luksemburg aftur fyri tapið á Tórsvølli

Tvey reyð kort, eitt brotsspark ímóti og eitt súrt eittmálstap.

Tað vóru lyklatølini, tá føroyska fótbóltslandsliðið við monnum tapti fyri Luksemburg á Tórvølli síðsta týskvøld. 

Í kvøld bresta liðini saman aftur á Stade de Luxembourg í lítla býstatinum, og okkurt bendir á, at føroyingarnir ikki hava gloymt dystin í Føroyum.

 - Vit søgdu beint eftir dystin ímóti Luksemburg seinast, at 'tað góða er, at vit hava teir aftur um nakrar dagar'. Tað merkir ikki neyðturrviliga, at vit vinna, men tað merkir, at vit fáa ein kjans afturat, sigur málverjin, Gunnar Nielsen.

 - Tá tú hevur tapt ímóti einum liðið, ynskir tú altíð at løna teimum aftur. Vit gleða okkum at spæla 11 ímóti 11 og vita, hvussu nógv vit kunnu arga teir hesaferð, sigur landsliðsvenjarin, Håkan Ericson.

Dysturin ímóti Luksemburg verður í kvøld klokkan 19.45. Kringvarpið vísir dystin og byrjað verður eftir Dag og Viku.