Leikalind skrivaði søgu

5-mannafarið við kvinnum Leikalind, tók øll á bóli við at vinna á sundalagsstevnu og tryggja bert fimm ára gamla kappróðrarfelagnum í Eysturkommunu, sítt fyrsta gullheiðursmerki.

 - Tað er so gott. Eg haldi ikki, at nakar hevði roknað við tí, sigur Vár Tollaksdóttir á Leikalind.

Tað var í harðari kapping við Tjaldri, at róðurin í Hvalvík varð vunnin, og tá ið avtornaði var bert ein stórur skutur av muni. Sigurin hevur givið manningini blóð upp á tonnina.

 - Eg haldi, at vit nú kunnu satsa upp á at gerast nummar eitt. Tað hava vit prógvað í dag, og vit fara at arbeiða hart víðari, sigur Vár Tollaksdóttir.