Vit eiga at óttast Russland

Aftur í dag hoyrdu vit, at ein kavbátur var í føroyskum sjógvi.

Talan var um 27. diplomatiska loyvið, sum er latið fremmandum herskipum at koma í føroyskan sjógv higartil í ár. Kavbáturin, sum var í Nólsoyarfirði ídag, skuldi skifta manning.

Jenis av Rana, landsstýrismaður í uttanríkismálum, væntar, at vit skulu venja okkum við javnan at síggja kavbátar ella NATO herskip í Føroyum

Landsstýrismaðurin sigur, at Føroyar hava ikki bundið seg at lata øki til Nato-venjingar.

Jenis av Rana ber uppundir, um russisk fiskiskip við Føroyar hava hernaðarútgerð umborð. Hann heldur, at vit eiga at óttast, hvat Russland kann finna uppá.