Semja um at dagføra fosturtøkulógina

Í Føroyum er "lov om foranstaltninger i anledning af svangerskab" galdandi. Ein donsk lóg frá í 1956, sum var sett úr gildi í Danmark í 1973. Og í kjalarvørrinum av ógildanini av  rættinum til fría nfosturtøku í USA, skapa fosturtøkuviðurskiftini í Føroyum nú yvirskirftir uttanlands.

Í eini kanning, sum spyr.fo hevur gjørt fyri Kringvarpið, taka 77% av teimum spurdu undir við eini dagføring av fosturtøkulógini frá 1956.    

Eins og spurningurin um fosturtøku skilir Frítt Val og Pro Vita, eru heldur ikki føroyingar á einum máli um fosturtøka skal vera frí ella ikki.

Góð 49% vilja hava fría fosturtøku í Føroyum, og góð 41% vilja ikki.

Góð 68% halda, at fosturtøka eigur ikki at vera bannað. Tað merkir at hon kann vera frí ella hava ymiskar avmarkingar. Meðan 22% halda, at fosturtøka eigur at vera bannað.

Altso - er undirtøka fyri at dagføra fosturtøkulógina, men ikki semja um hvussu hetta skal gerast.