Hugtakandi veggjamálningur av Ólavi Riddararós klárur at lita ólavsøkuna

27.07.2022 - 16:46
MentanMyndlist
Hugtakandi veggjamálningur av Ólavi Riddararós klárur at lita ólavsøkuna
VIDEO: Listamaðurin Heiðrikur á Heygum gleðir seg til at vísa ólavsøkugestunum nýggja veggjamálningin hjá sær á Finsen av kvæðinum um Ólav Riddararós

Hon skonkti honum í drykkjuhorn, har fór í tað eiturkorn.

(23. ørindi í Ólavi Riddararós)

Havnin er vorðin eitt sindur litríkari, nú fólk úr øllum landinum koma til høvuðsstaðin av hátíðarhalda ólavsøkuna. 

Fjøllistamaðurin, Heiðrikur á Heygum, hevur málað eitt ørindi úr kvæðinum um Ólav Riddarrós á ein húsvegg á studentagarðinum Finsen í Havn. 

Finsen, ið er gamli Kommunuskúlin, verður í ár aftur karmur um ein part av tivolinum á ólavsøku, tí hoppiborgirnar hjá Tórshavnar ítróttarráði fara at standa í garðinum. 

Barnafamiljur og onnur, ið fara framvið í Finsensgarði, kunnu tískil gleða seg til at njóta vakra veggjamálningin, sum Heiðrikur á Heygum júst hevur málað. 

"Hetta er útilist og er tískil ikki nakað, ið skal inn á ein listaskála at hanga. Tí veit mann, at tað er nakað, ið ferst yvir tíð. Tað ger, at mann verður ikki keddur, um onkur sproytar graffiti út yvir listaverkið, ella at tað verður veðurbart við tíðini. Tað er ein partur av útilistini," hugleiðir Heiðrik á Heygum. 

Sí videobrotið ovast í greinini, har Alisa Stephansdóttir Myllhamar Mølvig, starvsnæmingur, prátar við Heiðrik á Heygum um nýggja listaverkið í miðbýnum í Havn. 

 

 
Er kopiera

Tak niður

Nýggjastu sendingar í ÚV
Mánadag 8. august
Morgunlestur mánadagur 8. august 2022
143006
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750