Útlendsk arbeiðsmegi í vøkstri

Útlendsk arbeiðsmegi í vøkstri
Sambært Johnny í Grótinum, búskaparfrøðingi, kunnu vit vænta enn meira tilflyting í framtíðini
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
15.09.2022 - 19:34

Fast Track-skipanin gevur øllum vinnugeirum í Føroyum lættari atgongd at fáa arbeiðsmegi úr londum, sum ikki eru í ES.

Í november í fjør bleiv skipanin sett í verk, og sambært tølum frá Vinnu- og Umhvørvismálaráðnum eru 408 arbeiðstakarar skrásettir í hesari skipan.  

Skipanin hevur virkað í skótt eitt ár, og tað sæst aftur í hagtølunum. Tað er serliga hetta seinasta árið, at nógv eru komin til Føroyar at arbeiða. Frá august 2021 til august 2022 er lutfallið av útlendskari arbeiðsmegi frá londum uttanfyri Evropa hækkað úr 2,4 prosentum til 3,4 prosent. 

Tað eru fyrimunir við vaksand arbeiðsmegi úr útlondum, men tað kann eisini hava vansar við sær, sambært Johnny í Grótinum. Fyrimunurin er, at tørvurin á arbeiðsfólki verður nøktaður.

Vansin er tó, at nýggja arbeiðsmegin kann seta trýst á lønarlagið hjá føroyska arbeiðstakaranum.

Samanbera vit okkum við grannalondum okkara, skulu vit ikki vænta, at tilflytingin av útlendskari arbeiðsmegi fer at steðga enn. Fyri 20 árum síðani var lutfallið av útlendskari arbeiðsmegi í Íslandi áleið tað sama, sum tað er í Føroyum í dag, also seks prosent. Í dag, 20 ár seinni, hevur fimti hvør løntakari í Íslandi útlendskan uppruna.  

Sambært Johnny í Grótinum, er tað bæði í Føroyum og í Íslandi soleiðis, at tað er í serligum vinnugeirum, at útlendsk arbeiðsmegi er væl umboðað. Serliga ferðavinnan og fiskivirkir telja lutfalsliga nógv útlendsk starvsfólk. 
 

 
Er kopiera
Nýggjastu sendingar í ÚV
Fríggjadag 18. juli
RagnarRokk: Erica Stoltz um Heat Lightning
194126
Fríggjadag 18. juli
Morgunlestur fríggjadagur 18.juli 2025
194089
Hósdag 17. juli
Morgunlestur hósdagur 17.juli 2025
194088
Mikudag 16. juli
Vit nerta við vaksin og skermar
194561
Nýggjastu sendingar í SV
Hósdag 17. juli
Lívia Mattos í løtuni á G!
194633
Hósdag 17. juli
Benjamin Rajani & Jónas Gaard á G!
194619
Mikudag 16. juli
3-2
194579
Mikudag 16. juli
Dagur og vika - teknmálstulkað
194550
Týsdag 15. juli
Veðrið
194514