VIDEO: Spískamarið vil vísa á møguleikarnar í føroyskum landbúnaði

So verður sonn matgleði aftur at síggja í sjónvarpinum.

Nýggir partar av sjónvarpsrøðini "Spískamarið" eru gjørdir, og fyrsti partur verður sendur í kvøld.

Spískamarið

Hendan sesongin av "Spískamarinum" hevur fingið undirheitið "í bø eg gangi".  

"Málið er at varpa ljós á føroyskan landbúnað, og vísa á teir møguleikar, sum liggja í landbúnaðinum," sigur Gutti Winther, kokkur og vertur í "Spískamarinum". 

Kúgv, Spískamarið, Kúgvin

Kúgvin

Fyrsti parturin av fýra, sum verður vístur í kvøld, ber heitið "Kúgvin" og viðger týdningin, ið kúgvin hevur havt fyri føroyingar. 

Spískamarið, Gutti Winther, Sigert Patursson

Gutti Winther vitjar Sigert Patursson, bónda á Vatnaskørðum, har ein kúgv verður slaktað.

Ostar, Spískamarið, Ostur

Gutti er eisini á Mjólkavirki búnaðarmanna, sum vit kenna sum MBM, har tey framleiða føroyskar ostar úr mjólkini frá kúnni. 

Spískamarið, Næla

Og so er Gutti eisini og vitjar grønmetisverkætlanina Næla í Bacalao í Havn, ið framleiðir føroyskt grønmeti á ein heldur øðrvísi hátt. 

Meira prát og minni ævintýr

Pætur Marjunarson Dahl, ið er framleiðslustjóri av "Spískamarinum", vísir á, at hendan sesongin av væl umtóktu sjónvarpssendingini eitt sindur øðrvísi enn tær undanfarnu.

Spískamarið, Pætur Marjunarson Dahal

"Í hesum umfarinum er tað kanska meira prát og minni ævintýr, sum tað var nógv av í undanfarnu sesongunum," staðfestir Pætur Marjunarson Dahl. 

Men tá tað er sagt, so líkist "Spískamarið" sær sjálvum, heldur Pætur Marjunarson Dahl. 

"Tað er fólk, náttúra og matur, og tað broytist ikki."

Spískamarið, Gutti Winther, Pætur Marjunarson Dahl

Eitt, ið heldur ikki broytist í "Spískamarinum", er, at tað verður flent nógv og etið væl. 

Vælgagnist.

Spískamarið

Hvat: Spískamarið - í bø eg gangi (1/4)
Heitið Kúgvin
Hvar: Í sjónvarpinum
Nær: Í kvøld 27. oktober
Klokkan: 19.25