Stefan Radosavljevic: Skuldi koma inn at skora

19.11.2022 - 22:25
ÍtrótturFótbóltur
Stefan Radosavljevic: Skuldi koma inn at skora
Stefan Radosavljevic kom inn, sá og sigraði, tá hann við sínum fyrsta A-landsliðsmáli tryggjaði Føroyum javnleik í venjingardystinum ímóti Kosovo í Pristina

Innskifti Stefan Radosavljevic var ísakaldur, tá hann brádliga gjørdist leysur ímóti málverjanum hjá Kosovo.

Hann dróg einaferð, og tá málverjin kastaði seg, lyfti miðvallarin bóltin upp um hann og í netið. 1-1 og Stefan Radosavljevic hevði fingið sítt fyrsta landsliðsmál í sínum øðrum dysti.

 - Eg segði við meg sjálvan, áðrenn eg kom inn, at eg skuldi royna at koma inn og skora, greiddi Stefan Radosavljevic frá.

 - Eg síggi, at Gilli (Rólantsson, red.) ger klárt til at smekka bóltin fram, og so royni eg bara at sleppa leysur harfrá. Bólturin kemur niður í jørðina, og so flýgur hann frameftir, og eg hugsi, at 'eg skal vera áðrenn hasin verjuleikarin', og tað kom eg, og so skoraði eg, segði Stefan Radosavljevic, sum illa fekk dult smílið.

Miðvallarin var væl nøgdur við avrikið hjá føroyska liðnum, sum reistist eftir laka dystin í Kekkia. Hann ætlar sær - eins og allir hinir nýggju, sum fingu kjansin á hesum túrinum - at halda fast um plássið í landsliðshópinum.

 - Sjálvandi, annars hevði eg ikki spælt fótbólt, staðfesti hann turt. Sum liður í menningini roynir tekniskt sterki miðvallarin at fáa sáttmála uttan fyri landoddarnar.

 - Væntandi fer tað at eydnast, og væntandi verði eg eisini á landsliðnum næsta ár, segði Stefan Radosavljevic, sum kortini ikki vil avdúka, hvat felag hevur víst áhuga.


Miðlarnir vildu sum vera man fegnir hava orðið á føroyska málskjúttan
 
Er kopiera

Tak niður

Nýggjastu sendingar í ÚV
Hósdag 1. desember
Mono: Fimm áratíggju (2:5)
148822
Hósdag 1. desember
Góðan morgun Føroyar 01. desember 2022
148795
Hósdag 1. desember
Morgunlestur hósdagur 1. desember 2022
148582
Nýggjastu sendingar í SV
Hósdag 1. desember
Val kring landið - Hov
148799
Mikudag 30. november
Tjóðveldi í Tinginum
148742
Mikudag 30. november
Sambandsflokkurin í Andglettinum
148728
Týsdag 29. november
Val kring landið - Klaksvík
148669