Fyrsta hálvfinalan hjá toftakvinnum

20.02.2023 - 14:03
ÍtrótturFlogbóltur
Fyrsta hálvfinalan hjá toftakvinnum
Stórur spenningur var, tá ið Ternan skuldi spæla sína fyrstu hálvfinalu í steypakappingini, og nógv fólk fór av húsi. Vit vóru við í bussinum av Toftum til Klaksvíkar

Fólk fór av húsið á Toftum leygardagin, tá Ternan spældi hálfinalu í steypakappingini í flogbólti.

Hóast spenningurin ikki vardi longur enn til eitt sett, er hálvfinaluplássið hjá Ternuni tekin um, at felagið aftur er á veg fram.

 - Eg haldi, at mann merkir, at fólk byrja at síggja flogbóltin og blíva eitt sindur áhugað í honum, sigur liðskiparin, Alexandra Østerø Kjeld.

Katrin Olsen, nevndarlimur og fyrrverandi flogbóltsspælari, sigur, at tað hevur stóran týdning fyri felagið at vera í fremstu røð - ikki minst tá tað hevur hálvfinalur og annað spennandi við sær.

 - Tað er stuttligt at vera har, tað er stuttligt at spæla. Fyri býin er tað eisini stuttligt at hava eitt lið, sum kann vera við í toppinum. Vit høvdu føðingardag fyri kortum, og borgarstjórin kom við flottari gávu, so vit kenna okkum vird nú, sigur hon.

Fleiri ungir spælarar eru á liðnum hjá Ternuni, men nakrir royndir spælarar - millum annað fyrrverandi landsliðsspælararnir, Sofía Purkhús Splidt og Birgit Guttesen - eru komnir afturat.

 - Tær eru líkasum kjarnan í liðnum, og annars kempa hinar alt tað, tær kunnu og royna at vísa, hvat vit hava at bjóða, sigur Alexandra Østerø Kjeld.

Liðskiparin heldur, at avgerðin um at spæla í meistaradeildini í ár, hevur lyft liðið og flogbóltin á Toftum, hóast avbjóðingin í bestu deildini er stór.

Framtíðin sær eisini gott út. Ternan hevur 150 limir, og felagið hevur lið í øllum aldursbólkum.

 
Er kopiera

Tak niður

Nýggjastu sendingar í ÚV
Leygardag 10. juni
Morgunlestur leygardagur 10. juni 2023
158013
Fríggjadag 9. juni
Vikuskiftið 9 juni 2023
158294
Fríggjadag 9. juni
Góðan morgun, Føroyar 9. juni 2023
158264
Nýggjastu sendingar í SV
Fríggjadag 9. juni
Veðrið
158291
Mikudag 7. juni
Úr savninum: Urtagarðurin 1:6
158141
Týsdag 6. juni
Veðrið
158130
Sunnudag 4. juni
Møti úr Oasuni í Hoyvík
157918
Sunnudag 4. juni
Andakt við Unn Justinussen
157917