Peter Bredsdorff-Larsen: "Sum at vinna gull við Føroyum"

"Ja, for fanin, eg eri errin. Eg havi verið við til at vunnið gull í hondbólti við Danmark nakrar ferðir, men hetta kennist sum at vinna eitt fyribils-gull við Føroyum," staðfesti ein fegin Peter Bredsdorff-Larsen, landsliðsvenjari. 

Føroyska manslandsliðið í hondbólti hevur skrivað søgu. 

Liðið er tað fyrsta føroyska landsliðið í einum liðítrótti, sum hevur tryggjað sær luttøku í einum EM-endaspæli. 

"Tað er fult uppiborið, tí vit koma úr niðasta styrkisbólki og vinna týdningarmikla dystin móti Rumenia og eru betri innanhýsis enn Ukraina."

Peter Bredsdorff-Larsen