Norski venjarin: Hava fyrireikað seg væl upp á Elias og Óla

Norra ætlar sær víðari úr bólki D við fullum stigatali.

Tað dylir venjarin, Jonas Wille, ikki fyri undan dystinum ímóti Føroyum leygarkvøldið.

Norðmenn vunnu stórsigur á Póllandi í fyrsta umfari, og norski venjarin vónar, at hansara spælarar megna at endurtaka góða verjuavrikið í dystinum ímóti fótfimu føroysku spælarunum.

 - Tað verður ein stór avbjóðing, serliga ímóti Eliasi og Óla Mittún, at eydnast við fyrsta tvídystinu ímóti teimum, tí teir eru so dugnaligir mann ímóti manni, segði Jonas Wille.

Norska verjan er sera sterk, og tí verður roknað við, at Føroyar fara at spæla nógv sjey ímóti seks-álopsspæl, og tað hevur Jonas Wille eisini fyrireika sínar menn upp á.