Venjarin: svakliga góður dystur

Føroyar høvdu javnleikin uppibornan, segði landsliðsvenjarin, Peter Bredsdorff-Larsen, sum stórfegnaðist um enn eitt framúr gott avrik frá hondbóltsmonnunum

0 seconds of 0 secondsVolume 90%

00:00

Símun Christian Olsen

13.01.2024 - 23:24

- Vit vóru í gongd við at vinna dystin, segði ein smílandi Peter Bredsdorff-Larsen.

Venjarin stórfegnaðist um søguliga 26-26 javnleikin ímóti hondbóltsrisanum, Norra, og helt, at tað var ikki meir, enn spælararnir høvdu uppiborið.

- Hetta var dramatiskt og endin var púra burturvið, segði Peter Bredsdorff-Larsen.

- Hetta er ótrúligt at hugsa um. Vit hava fingið stig ímóti einum av heiðursmerkjabiðlunum, segði venjarin, sum ikki ætlaði at taka orðið í umklæðingarrúminum, tí tað helt hann, at spælararnir mundu fara at megna sjálvir.