Georg F. Hansen, formaður í Føroya arbeiðarafelag: "Hetta var stríðið vert"

"Vit hava skrivað undir, so fólk kunnu gott fara til arbeiðs beint nú," segði ein væl nøgdur Georg F. Hansen, formaður í Føroya arbeiðarafelag, eftir at nýggi sáttmálin var undirskrivaður.

"Lønin hækkar umleið 8,5 krónur um árið í ár, og 8,5 næsta ár, men har kemur nógv annað omaná. So alt íroknað, so er hækkingin 13 prosent."

Georg F. Hansen heldur, at nýggi sáttmálin var alt stríðið vert. 

"Ja, hetta var tað vert. Eg vil takka øllum, ið hava bakkað okkum upp, serliga okkara limum. Tað vil eg takka øllum so hjartaliga fyri."

Spurdur, hvat verkfallið hevur kostað arbeiðarafeløgunum, so er svarið stutt og greitt: 

"Tað havi eg ikki ánilsi fyri."