Nærum landsumfatandi ónøgd við eldraøkið

Vit mangla búpláss, starvsfólk, og nógv eldri liggja heima í einsemi. Stór ónøgd er við eldraøkið. Tað vísir kommunukanningin hjá Kringvarpinum.

Forkvinnan í Heilsuhjálparfelag Føroya, Mary Antonsdóttir, heldur, at brúk er fyri grundleggjandi broytingum á eldraøkinum. Hon vil hava menniskjað í miðdepilin og ymisku myndugleikarnir at tosa meira saman.

Hon sigur eisini, at málsøkið hevði ligið betri hjá landinum enn úti hjá kommununum, har tað hevur ligið síðani 1. januar 2015.