Hurðar flagsaðu í vindinum heima hjá Eli

Um átta-tíðina leygarkvøldið fekk 99 ára gamli Eli Hansen úr Sandavági sløkkiliðið á gátt. Fólk hjá sløkkiliðnum vildu vita, hvussu stóð til heima hjá Eli, nú stormur leikaði á leygarkvøldið og sunnunáttina.

Úthurðin fekst ikki aftur, og partur av tekjuni var rivin, men tað visti Eli ikki av.

Hóast tað leikaði hart á heima hjá Eli leygarkvøldið, so var hann ongantíð bangin.

Fyribils býr Eli inni hjá dóttrini í Sandavági, og um dagin er hann í dagtilhaldinum Ivanshús í Miðvági.

Eli Hansen varð annars skrivaður upp at sleppa Á Sýnina í Miðvági fyri tveimum árum síðan, men hann veit ikki, hvussu leingi hann skal bíða, áðrenn hann sleppur inn har.