Bústaðir skulu byggja lestraríbúðir

Lestraríbúðir tykjast vera mest átrokandi at byggja beint nú. Tí verður næsta arbeiðsuppgávan hjá Bústøðum, at byggja lestraríbúðir, sigur Margit Stórá, landsstýriskvinna, sum varar av Bústøðum. 

Hon sigur, at nú skulu tey finna út av hvør bústaðartørvurin er og so byggja út frá nágreiniliga tørvinum.

Fyrst komandi ár er ætlanin at fáa eina breiða politiska semju í hús, um arbeiðsleistin hjá Bústøðum, sigur landsstýriskvinnan.