USA vil hava Grønland

Um eitt tíðina í dag, okkara tíð, lendi privatflogfarið hjá Donald Trump á flogvøllinum í Nuuk, hóast floglíkindini har hava verið vánalig í langa tíð.

Umborð vóru Donald Trump yngri, sum er sonur Donald Trump, og fleiri samstarvsfelagar hansara.

Endamálið við ferðini er ein privat ferð, sambært Donald Trump, yngra, sjálvum. Hann hevði ætlað sær til Grønlands seinasta vár, men tá bar ikki til. Eitt av endamálunum er at upptaka poddvarp til poddvarpsstøðina hjá honum sjálvum.

Men ongin ivi er um, at tað eisini eru politisk motiv við ferðini. Pápin, Donald Trump, sum tekur við sum forseti í USA 20. januar, skrivaði í gjár millum annað soleiðis um ferðina hjá soninum, á egna miðlinum, Truth Social í nátt.

"Eg hoyri, at fólkini í Grønlandi stuðla mær. Sonur mín, Donald yngri, og samstarvsfelagar fara at ferðast har og vitja nøkur av stórslignu økjunum. Grønland er heilt serligt, og íbúgvarnir har fara at fáa ovur stórar fyrimunir, um og tá tey gerast partur av OKKARA tjóð. Vit fara at verja tað og fjálga um tað ímóti ónda heiminum uttanfyri. Ger Grønland stórt aftur."