Forboð fyri snildfonum í Skúlanum í Eysturkommunu

Starvsnæmingur okkara seinastu vikurnar, Kristian Samuel Valle Zachariassen úr Skúlanum á Fløtum í Havn, hevur gjørt innslagið. 

Bóltspæl í fríkorterinum í skúlanum við Gøtugjógv, har børn frá 4. til 7. flokk í Eysturkommunu ganga í skúla. 

Her verður eingin órógvaður av Snapchat, Youtube ella Instagram. 

Næmingarnir í Skúlanum í Eysturkommunu sleppa ikki at hava snildfonir við í skúla. 

Atli F. Johansen, skúlastjóri, veit væl, at tað er eitt stórt inntriv at geva børnunum forboð fyri at hava snildfonir við í skúla. Men hann heldur, at tað hevur havt ein jaligan virkna. 

Næmingarnir í Skúlanum í Eysturkommunu eru ymiskir á máli um forboðið fyri snildfonum. 

Men børnini og skúlastjórin eru tó samd um, at tað hevur havt ávirkan, at snildfonirnar ikki longur eru loyvdar í skúlanum.