Heimablídni skapar ójavna kapping

Matstovueigarar úr øllum landinum hava sligið seg saman og átala, at ójøvn kapping valdar millum matstøð. 

Tað er Heilsufrøðiliga Starvsstovan, sum gevur loyvir og hevur eftirlit við matstøðum.

Fyri góðum 10 árum síðani var loyvi givið til Heimablídni. Hetta var gjørt, fyri at bøndir kundu gera - og bjóða mat frá sínum egna virksemi og í sínum egna heimi. 

Men, tað hava ongantíð verið nøkur krøv ella nakað eftirlit við Heimablídni. Tað hevur gjørt, at virksemið hjá Heimablídni er víðkað, og tað skapar ójavna kapping, vísir Mimmy Vágsheyg á, vegna eigarar av lítlum matstovum kring landið.