Null-hugsjón í mun til rúsdrekka

Í nýggjastu heilsukanningini av føroyingum sæst, at føroyskir menn drekka meira rúsdrekka enn danskir menn. Eisini sæst at 20% av føroyskum monnum og 6% av føroyskum kvinnum drekka meir enn 10 eindir um vikuna. Tað sigur Elisabet Skaalum Mikkelsen, fólkaheilsufrøðingur í Heilsustýrinum. 

Hon vísir eisini á, at aðaltilmælið um rúsdrekka frá Heilsustýrinum er, at vit skulu drekka sum minst. Og, vit skulu hægst drekka 10 alkoholeindir um vikuna. 

Tað gamla tilmælið um rúsdrekka var, at menn kundu drekka 21 eindir um vikuna og kvinnur 14 eindir. 

Triðstørsti vandin fyri sjúku og deyða í Evropa stendst av rúsdrekka. Tað skrivar Heilsustýrið í nýggju kanningini av heilsustøðuni hjá føroyingum.