Toftamenn: Nógvur góður havhestur at fáa

Rúni í Hjøllum á Toftum hevði í dag verið eftir havhesti. Hetta var triði túrurin hjá teimum, og teir høvdu fingið um 300 fuglar í miðal. 

"Har er nógvur havhestur at fáa, og hann er yvirhøvur væl fyri," staðfesti Rúni í Hjøllum, tá Yngva Sigurdardóttir Lamhauge hugdi framvið í egningarskúrinum á kaiøkinum. 

"Sjálvandi er tað ymiskt, hvussu fuglarnir eru fyri, men vit hava blakað munandi færri út aftur í ár enn í fjør."

Yngva, ið ongantíð hevur verið eftir havhesti, fekk ein snarskeið í at royta havhest. 

Havhestur, Havhestar