Upphav: Tær, ið eftir sótu 

- Vit duga best at fortelja okkara egnu søgu. Tað sigur Marita Dalsgaard, sum saman við Gunnvá Zachariasen hevur skrivað leikin "Upphav". 

Nýggi leikurin snýr seg um teir 11 úr Hesti, ið sjótlótust í 1919, men verður fortald úr sjónarhorninum hjá kvinnunum. 

"Hvussu yvirlivdu tær? Altso, heilt ítøkiliga. Hvar fingu tær mat? Hvussu megnaði ein heil bygd at koma undan?" Spyr Gunnvá Zachariasen, sum bæði er høvundur og leikari. 

Spurningar, sum hon byrjaði at spyrja, tí hetta er ein partur av hennara egnu søgu. Omma hennara var 6 ára gomul, tá vanlukkan hendi, men fortaldi ongantíð um hendingina. 

Eg spurdi heldur ikki. Eg kendi ikki spurningarnar tá, fortelur leikarin, sum nú setur teir á breddan í nýggja leikinum.