SÍ setti seg á triðja plássið

Høllin í Sørvági (Polestar-deildin)

SÍ - Fleyr, 3-0 (25-20, 25-21, 25-22)

Sørvingar settu seg á 3. plássið í Polestar-deildini við 3-0 heimasigri á Fleyr. Hjørtur Joensen var kortini ikki serliga væl søgdur við spælið, sum framvegis ikki situr, sum tað skal. Jhonlen Cruz Barreto Peña er komin til úr Venezuela, og Rajko Petrovic er aftur á síðulinjuni.

Rói Hentze úr Fleyr var eisini ónøgdur við avrikið hjá havnarliðnum, sum sambært honum var alt ov friðaligt á vøllinum. Fleyr bíðar eftir einum amerikanskum spælara, men hann verður ikki klárur at spæla fyrrenn um ein lítlan mánaða.