Vár skal rógva í Singapor

Vár Guriardóttir Hansen venur av øllum alvi til stóra kapping í rógving á maskinu, sum verður í Singapor síðst í mánaðinum.

Átta kvinnur hava fingið pláss í kappingini, og føroyski rógvarin rakk besta úrslitinum í innleiðandi rógvingini, sum var frá 1. september til 15. oktober, frammanfyri rógvarar úr USA, Kanada og Stórabretlandi. 

 - Eg var ræðuliga yvirraska. Tað var klokkan eitt um náttina, og eg haldi, eg græt í eini tveir tímar. Eg var so glað, tá eg sá úrslitið, sigur Vár Guriardóttir Hansen.

Tvær tær bestu frá sonevndu World Rowing Versa Challenge  í fjør, tvær av landsliðnum hjá vertslandinum og fýra tær bestu frá netbornu innleiðandi kappingini vera undir liðini á føroyska rógvaranum.

 - (Lykilin, blaðm.) er at eg havi flutt fokus og notið hvørja venjing. Hugnað mær og gjørt tað, sum eg tími, og so er framgongdin komin av tí, sigur Vár Guriardóttir Hansen, sum hevur royndir úr føroyska kappróðrarbátinum, stykriítrótt og í maskinrógving.

Tað kann koma henni til góðar, tí talan er um kapping við fleiri ymsum avbjóðingum og ikki bert ein tein, sum skal rógvast skjótast gjørligt. Kappingin verður 29. og 30. november.