Nógvur jólapostur hjá Posta

Posta hevur úr at gera í hesum døgum, nú hópin av jólapakkum, jólaheilsanum og øðrum posti er at bera út.

Í jólamánaðinum økist talið av bæði posti og pakkum munandi, í mun til aðrar tíðir á árinum. 

Hóast talið av pakkum er umleið tað sama sum í fjør, so er okkurt, sum er broytt í ár. Herdar tollreglur í m.a. ES ger, at færri pakkar verða sendir av landinum. Tí er umráðandi at hava øll viðurskifti í lagi, áðrenn pakkin verður sendur av landinum. Eitt nú, skal tollseðilin er rætt útfyltur. 

Alsamt fleiri føroyingar velja sjálvi at keypa jólagávurnar uttanlands, og hetta nakað tey merkja á Posta. 

Komandi dagarnar og vikurnar, verður úr at gera hjá postboðunum, tí jólaposturin skal nú berast út um alt landið.   

Posta ber út fram til 23. desembur í Føroyum. Fyri at tryggja, at jólaposturin kemur fram áðrenn jól, skulu brøv latast Posta í seinasta lagi 16. desember og pakkar í seinasta lagi 18. desember. 

Viðvíkjandi jólaposti til Danmarkar, er seinasta freist at lata brøv og pakkar inn tann 11. desember. Freistin at senda jólapost til onnur lond í útheiminum er farin.