Fast Track skipanin elvir til vónbrot

Fernando Troleis kom úr Brasil í 2021 og hóast hann hevur gjørt alt, sum hann kann fyri at integrera seg - eitt nú hevur hann lært seg føroyskt - og hóast hann kundi hugsað sær, at hildið fram við at givið sítt íkast til føroyka samfelagið, so gevur hann nú upp og flytur av landinum aftur.

Hann arbeiðir hjá Bakkafrosti, men er útbúgvin læarari og ynskir at arbeiða sum lærari í Føroyum. 

Men tað er ikki bara sum at siga tað, tá mann er komin gjøgnum fast track skipanina. Og eftir fimm ár hevur hann nú givið upp.

Hann er lærari í máli, og hóast hann arbeiðir við laksi, sæst hesin áhugin aftur í samfelagnum - á Sprotanum -  tí fyri nøkrum árum síðan, skrivaði Fernando, ið hevur portugisiskt sum móðurmál, til Sprotan, og spurdi um tey ikki vóru áhugaði í eini portigisiskari/føroyskari orðabók.

Tað vóru tey á Sprotanum áhugaði í. Hann hevur eisini umsett føroyskar bøkur til portugisiskt og gjørt føroyskt undirvísingartilfar til útlendingar.
 
Á Bakkafrosti hava tey sæð evnini hjá Fernando og bjóðað honum eitt starv har hann undirvísir útlendskum starvsfólkunum í føroyska málinum. 

Men hesum loyvir Fast Track- skipanin ikki og hetta heldur Fernando ikki nógv um

Og tí hevur hann nú slept dreyminum um eitt lív í Føroyum

Erika Hayfield, dekanur og granskari á Fròðskarsetur Føroya, var gestur í sjónvarpsstovuni.