Í fjórðu og næstseinastu sending koma vit til Bangkok, har Densuddhi og føroyska manningin fáa eina heiðurliga almenna móttøku. Vit hitta umboð fyri teilendsku myndugleikarnar og Danida felagsskapin. Føroyska manningin lærir teilendingarnar at brúka skipið og sigla við Densuddhi niðan gjøgnum vøkru Chao Phraya ánna. Fríggjadagin 11. oktober 1996 verður Densuddhi handað teilendsku myndugleikunum. Dagin eftir er stór framsýning, har øll tey gomlu stásiligu skipaini hjá konginum av Siam, sigla oman eftir Chao Phraya ánni. Seinni skal sjálvur kongurin umborð á Densuddhi fyri at signa og doypa Densuddhi. Lagt til rættis: Zacharias Hammer.