Lyra vann steypakappingina

Eisini í 3. steypakappingini í estetiskum fimleiki vunnu kvinnurnar úr Ljósinum á teimum úr Støkk. 

Lyra fekk 24,67 stig í Bylgjuni í Runavík og Rósan fekk 24,12 stig.

Lyra hevur vunnið allar tríggjar steypakappingarnar, har bæði liðini hava tikið seg fram fyri hvørja ferð.

Liðið úr Ljósinum fekk samanlagt 72,67 stig, meðan Rósan fekk 70,99 stig tilsamans.

Tey bæði kvinnuliðini skulu kappast um føroyameistaraheitið í estetiskum fimleiki í mai, men áðrenn tað verða tey við í kappingum í Danmark og Fraklandi.