Matarskipan til fólkaskúlar í Havn

Í eina tíð hevur Tórshavnar kommuna arbeitt við at gera eina matarskipan til fólkaskúlar. 

Annita á Fríðriksmørk, forkvinna í Trivnaðarnevndini í Tórshavnar kommunu, greiðir frá, at køksleiðarin, sum kommunan søkir eftir, skal taka sær vera tann, sum tekur sær av at borðreiða matin til næmingarnar. Starvið skal setast í heyst.

- Tað er sera umroðandi, at tað er heilsugóður matur. Gransking vísir, at um børn fáa heilsugóðan mat, tá tey ganga í skúla, so trívast tey betur, tey læra betur, og heilsuójavnin millum børn minkar. So tað hevur sera góða ávirkan at fáa heilsugóðan mat, sigur Annita á Fríðriksmørk.

Álit um matarskipan
Tórshavnar kommuna hevur, sum sagt, arbeitt við málinum eina tíð. Nú er komið so langt sum, at alit er skrivað.

Í álitinum verður m.a. greitt frá, at tey hava hugt eftir líknandi matarskipanum aðrastaðni. M.a. í Klaksvík, Keypmannahavn, Aarhus og Reykjavík.

Kommunan hevur eisini gjørt kanningar av tørvinum, og hvussu nógv foreldur eru tilreiðar at gjalda.

Sí innslag úr Degi og viku.