SF26: Regnið stýrir uttan um stóru løturnar - fyri ein stóran part

"Nýggjastu veðurforsøgnirnar siga, at tað verður ikki nógvur vindur á festivalinum yvirhøvur," staðfestir Hanus Kjølbro, veðurfrøðingur á Veðurstovu Føroya. 

"Regnið, sum kemur, fer at stýra uttan um stóru løturnar á Summarfestivalinum - fyri ein stóran part".

Orsøkin til avbjóðandi veðrið er, at eitt lágtrýst gongur beint ímóti Føroyum, og tá kunnu forsagnirnar broytast rættiliga nógv. 

LES EISINI: 10 nøvn, tú mást hoyra á Summarfestivalinum

Gleðir seg til Rasmus Seebach

Sjálvur gleðir Hanus Kjølbro seg mest til at hoyra Rasmus Seebach fríggjakvøldið. 

Summarfestival skráin 2026

Almenna veðrið kann síggjast á heimasíðuni hjá Veðurstovu Føroya:

Hósdagin

Lítið lot av útnyrðingi, minni enn 5 m/s, sum fyrrapartin ongur niður í útsynning, samdrigið og okkurt ælið í støðum. Seinnapartin skiftandi skýloft og ælaveður. Um kvøldið lot til frískt lot sunnan, 3 til 8 m/s, skiftandi skýloft og ælaveður. Um náttina regn ella ælaveður. Hitin 10 til 13 stig.

Fríggjadagin

Frískt lot til frískan vind sunnan, 5 til 10 m/s, skiftandi skýloft og regn. Seinnapartin gongur hann vesturum til útsynning og minkar vindin niður í lot til frískt lot, 3 til 8 m/s. Um kvøldið ælaveður. Um náttina lítið lot av ymsum ættum, minni enn 5 m/s, hálvskýggjað og okkurt ælið. Hitin 10 til 14 stig.

Leygardagin

Lítið lot av landsynningi, minni enn 5 m/s, samdrigið og regn ella ælaveður. Seinnapartin veksandi upp í lot til frískt lot, 3 til 8 m/s, samdrigið og samregn, stundum grovt regn. Sum frá líður gongur hann niður í sunnan og fer vesturum. Um kvøldið lot til frískt lot av útsynningi, 3 til 8 m/s, skýggjað og ælaveður. Um náttina lækkar hann í sunnan. Hitin 8 til 12 stig.