Gingu plankan út til samansjóðing í Vági

Føroysku hondbóltskvinnurnar vandu ikki bara, tá tær settu hol á EM-fyrireikingarnar í Føroyum í síðstu viku.

Stórur dentur varð lagdur á Team Building ella samansjóðing, og hópurin brúkti tveir dagar í Vági, har tær millum annað fingu seg royndar við øðrvísi uttandura uppgávum í bygdini.

 - Vit mugu læra okkum at vera góð á øllum møguligum parametrum. Millum annað innafyri samstarv, og hvør spælari má eisini læra seg at reflektera um sínar handlingar, segði Jens á Skipagøtu, sum er mentalur venjari hjá HSF.

Hondbóltskvinnur, Hondbóltslandsliðið kvinnur, teambuilding

Eitt av endamálunum við uppgávunum er, at noyða spælararnar burturúr sínum vanligu leiklutum og yvir í leiklutir, har teir kanska ikki kenna seg tryggar.

 - Teir persónarnir, sum vóru saman, líktust mest hvørjum øðrum, og uppgávan var so at royna at flyta fokus yvir á aðrar eginleikar enn teirra grundeginleikar, segði Jens á Skipagøtu.

Fara vit at síggja betri hondbólt av hesum her?

 - Kanska, eg veit ikki, tað má tíðin vísa, segði Brynhild Pálsdóttir.

 - Tað ivist eg ikki í fer at síggjast aftur. Annars høvdu vit ikki gjørt tað, legði Jans á Skipagøtu afturat.