Kommunustýrisfundir beinleiðis á netinum

Sunda kommuna ætlar sær at stroyma allar kommunustýrisfundir beinleiðis á alnetinum.

- Eg vil hava opinleika um avgerðir, sum kommunustýrið tekur, sigur borgarstjórin, Heðin Zachariasen, ið eigur uppskotið.

Hann væntar, at hesin møguleikin fer at økja áhugan fyri politikkinum í kommununi.

Borgarstjórin í Havn vil ikki vera aftan fyri Sunda kommunu. Heðin Mortensen sigur, at hann tekur undir við at hava býráðsfundir beinleiðis á netinum, og fer at taka málið til viðgerðar í býráðnum.