Fólkapensjónin er ein landaskomm

Politikararnir eiga at skipa so fyri, at allir pensjónistar fáa livilig kor.

Tað stendur í eini yvirlýsing, sum varð samtykt á eldradegnum í Klaksvík um vikuskiftið. 350 fólk vóru á eldradegnum.

Í yvirýsingini stendur eisini, at pensjónistar, sum hava minst at liva fyri, eiga at fáa í minsta lagi 1.000 krónur meiri um mánaðin. Tað er ein landaskomm, at almennu pensjónirnar nú eru so lágar, at tað ikki ber til at liva av teimum.