Løgmaður tekur støðu í næstu viku

Tað verður neyvan fyrr enn fyrst í næstu viku, at løgmaður fer at avgera, hvat skal henda við landsstýrismanninum í innlendismálum í sambandi við tunnilsmálið.

Tað sigur Kaj Leo Holm Johannesen nú seinnapartin.

Løgmaður bað í gjár Kára P Højgaard og Innlendismálaráðið um eina frágreiðing, eftir at Kringvarpið avdúkaði, at fleiri atfinningar og viðmerkingar hjá embætisfólkum í Innlendismálaráðnum eru hildnar aftur fyri løgtinginum, tá uppskotið um Eysturoyartunnilin varð latið tinginum.

Løgmaður fekk frágreiðingina frá landsstýrismanninum og Innlendismálaráðnum í gjár, og nú skulu embætisfólk á Løgmansskrivstovuni meta um hana.